4

Ընկերության մասին



«Ռոսգոսստրախ-Արմենիա» Հայաստանի խոշորագույն ապահովագրական ընկերությունն է, որը ֆիզիկական և իրավաբանական անձանց տրամադրում է զանազան ապահովագրական ծառայություններ բազմաթիվ տեսակի ռիսկերից պաշտպանելու նպատակով:

ՌՈՍԳՈՍՍՏՐԱԽ ԱՐՄԵՆԻԱ ապահովագրական փակ բաժնետիրական ընկերությունը հիմնադրվել է 2008 թ. և գործում է Հայաստանի Հանրապետության Կենտրոնական բանկի կողմից 2008 թվականի մայիսի 20-ին տրված «Ոչ կյանքի ապահովագրություն» իրականացնելու ԱՊՈ թիվ 0009 լիցենզիայի հիման վրա: Ընկերությունը մտնում է ՌՈՍԳՈՍՍՏՐԱԽ Ընկերությունների Խմբի (Ռուսաստան) մեջ:  Ընկերության կանոնադրական կապիտալը կազմում է 4,5 միլիարդ դրամ (10,8 միլիոն ԱՄՆ դոլար): Ընկերության Խորհրդի կազմում ներգրավված են ՌՈՍԳՈՍՍՏՐԱԽ-ի առաջատար մասնագետները և բարձրաստիճան ղեկավարությունը: Ընկերությունում աշխատում է ավելի քան 2100 մարդ, այդ թվում մոտ 1800 ապահովագրական գործակալներ: Նրանցից շատերը Հայաստանի ապահովագրական շուկայի լավագույն մասնագետներից են:

2011 թվականի դեկտեմբերին ՌՈՍԳՈՍՍՏՐԱԽ ԱՐՄԵՆԻԱ ապահովագրական ընկերությունն առաջինը Հայաստանի ապահովագրական շուկայում գործող ապահովագրական ընկերությունների ցանկում ստացավ ISO 9001:2008 ստանդարտին համապատասխանության սերտիֆիկատ: Որպես սերտիֆիկացնող մարմին հանդես է եկել աշխարհահռչակ Moody International կազմակերպությունը:

Գործունեության ընդամենը երեք տարվա ընթացքում ՌՈՍԳՈՍՍՏՐԱԽ ԱՐՄԵՆԻԱ ընկերությունը կարողացավ գրավել առաջատարի դիրքը և այսօր վստահաբար առաջնորդում է շուկան՝ միևնույն ժամանակ հանդիսանալով հանրապետությունում ամենաարագ զարգացող ընկերություն: ՌՈՍԳՈՍՍՏՐԱԽ ԱՐՄԵՆԻԱՆ ունի սպասարկման կետերի ամենալայն ցանցը և ներկայացված է ՀՀ ողջ տարածքում, ունի հաճախորդների սպասարկման 46 գրասենյակ, այդ թվում 15  գրասենյակ Երևանում, և 31  մարզերում: Երևանում բացված է Հայտերի Կարգավորման Միասնական Կենտրոն, այն թույլ է տալիս արագ և արդյունավետ կարգավորել ապահովագրական պատահարները: Հայտերի Կարգավորման Միասնական Կենտրոնի հիման վրա գործում է բազմաալիք կոնտակտ կենտրոն, որի աշխատակիցները շուրջօրյա ընդունում են հայտեր ապահովագրական պատահարների մասին, ինչպես նաև հաճախորդներին տրամադրում են հայտերի կարգավորման հարցերով տեղեկատվական աջակցություն: 2012 թվականի մայիսին սկսեց գործել անձնական ապահովագրության գծով հայտերի կարգավորման կենտրոնը, որտեղ ընկերության հաճախորդները կարող են կարգավորել հայտերը կապված առողջությանը պատճառած վնասների հետ: Այնտեղ նրանք կարող են նաև ստանալ ընկերության բարձրակարգ բժիշկ-փորձագետների խորհրդակցություն:

Համաձայն մարքեթինգի դեպարտամենտի կողմից անցկացվող հետազոտությունների տվյալների ՌՈՍԳՈՍՍՏՐԱԽ ապրանքանիշը Հայաստանի ամենաճանաչված ապահովագրական ապրանքանիշն է: Ապրանքանշի ճանաչելիությունը կազմում է 80%, առաջին նշումով՝ 40%, ընկերությունը 2 անգամ գերազանցում է իր ամենամոտ մրցակցին:

Հրապարակված է՝ 2014-11-03 15:07:03

 

Բեռնել լրացուցիչ

Ներքին կազմակերպչական կառուցվածք (pdf, 120ԿԲ)

Ապրանքային նշանը (jpg, 494ԿԲ)