Բնակելի գույք
Էջը թարմացվել է 07.10.2022 06:38
Գույքի ապահովագրություն
Գույքն ապահովագրված է վարկի մնացորդի չափով։
Ոչ պայմանական չհատուցվող գումար (յուրաքանչյուր և ցանկացած պատահարի համար)
Ապահովագրական գումարի 1% (նվազագույնը 100,000 (մեկ հարյուր հազար) ՀՀ դրամ)
Ապահովագրական պատահարներ
Ապահովագրված գույքի կորուստ/ոչնչացում և/կամ վնասում հետևյալ իրադարձությունների արդյունքում.
- Հրդեհ (այդ թվում՝ էլ. հոսանքի տատանման, լարման կտրուկ բարձրացման կամ կարճ միացման հետևանքով առաջացած հրդեհի արդյունքում գույքին պատճառված վնաս),
- Կայծակնահարություն (պայմանով, որ ապահովագրության օբյեկտների վրա առկա են կայծակնահարության հետքեր` նյութի հալում, դեֆորմացում, ծակում, գույնի փոխում և այլն), պայթյուն,
- Տարերային աղետներ (ուժգին քամի, տայֆուն, փոթորիկ, մրրիկ, ջրհեղեղ, հեղեղում, կարկուտ, տվյալ տեղանքին ոչ հատուկ մթնոլորտային տեղումներ, ապահովագրության օբյեկտի կայծակնահարություն, սողանք, փլվածք, սելավ, ձյան հուսին),
- Բախում և հարված (տրանսպորտային միջոցների վրաերթ և/կամ կենդանու հետ բախում, ապահովագրության օբյեկտի վրա ծառերի վայր ընկնելը, թռչող սարքերի, դրանց մասերի կամ բեռի և/կամ սառույցի/ձյան վայր ընկնելը),
- Վնասվածք ջրից (ջրամատակարարման, ջեռուցման, կոյուղու կամ հրդեհամարման համակարգերի վթարի, ինչպես նաև ցածր ջերմաստիճանների ազդեցության արդյունքում նշված համակարգերի վնասման պատճառով ջրից վնասում, հարևան տարածքներից ջրի և այլ հեղուկների ներթափանցում),
- Երրորդ անձանց հակաօրինական գործողություններ, կոտրանքով գողություն (գողության փորձ), կողոպուտ, ավազակային հարձակում պայմանով, որ Ապահովադիրը անմիջապես դիմել է գողության, կողոպուտի և/կամ ավազակության փաստի կապակցությամբ հետաքննություն անցկացնելու պարտավորություն ունեցող մարմիններին և վերոնշյալ մարմինների կողմից այդ դիմումը ընդունվել է և կայացվել է որոշում՝ քրեական գործ հարուցելու մասին,
- Դիտավորյալ վնասներ երրորդ անձանց կողմից,
- Ապակիների վնասվածք/կոտրում,պայմանով, որ այն առաջացել է հրդեհի, պայթյունի, տարերային աղետների, երրորդ անձանց հակաօրինական գործողությունների կամ կայծակնահարության հետևանքով։
Ապահովագրության ենթակա չեն
- Խարխուլ շինությունները, որոնց ֆիզիկական մաշվածությունը կազմում է 70 և ավելի տոկոս,
- Տարերային աղետներ սպառնացող գոտում գտնվող օբյեկտները,
- Փայտից տները և շինությունները, ինքնակամ կառույցները,
- Վթարային վիճակում գտնվող, կապիտալ վերանորոգման կարիք ունեցող կամ քանդման ենթակա շենքերում գտնվող բնակարանները և շինությունները։
Պայմանագրի հատուկ դրույթ
Սույնով կողմերը համաձայնվում են, որ այն դեպքում, երբ Ապահովագրվող գույքը/օբյեկտը գրավ է դրված Ապահովադրի օգտին, մինչև Ապահովադրի կողմից գրավի պայմանագր/եր/ի դադարեցման մասին պատշաճ գրավոր տեղեկացնելը՝ սույն պայմանագրի համաձայն վճարվելիք ցանկացած հատուցումը, բացառությամբ օրենքով նախատեսված դեպքերի, փոխանցվում է Ապահովադրի մոտ Շահառուի անունով բացված թիվ 1570036911000600 հաշվեհամարին և վճարման օրվա դրությամբ գրավով ապահովված պարտավորության գումարի սահմաններում առաջնահերթության կարգով Ապահովադրի հայեցողությամբ ուղղվում է գրավով ապահովված պարտավորություն/ներ/ի կատարմանը՝ ներառյալ վաղաժամկետ կատարմանը կամ Ապահովագրվող գույքի/օբյեկտի վերանորոգմանը/վերականգնմանը՝ հիմք ընդունելով այն հանգամանքը, որ սույն Պայմանագրով Ապահովագրվող գույքի/օբյեկտի ապահովագրությունն իրականացվում է Ապահովադրի պահանջով՝ վերջինիս որպես գրավառուի ռիսկերը զսպելու նպատակով։
Պարտադիր պայմաններ
Պայմանագրի շրջանակներում պարտադիր պայմաններ են հանդիսանում՝
- Միջին հատուցման պայմանը`Գույքի ոչ ամբողջական արժեքով ապահովագրության դեպքում (Պայմանագրով ապահովագրված գույքի արժեքը գերազանցում է հայտարարագրված ապահովագրական գումարը), ապահովագրական հատուցումը Պայմանագրի շրջանակներում իրականացվում է միջին հատուցման պայմանի կիրառմամբ, ինչը նշանակում է, որ Ապահովագրողն իրավունք ունի ցանկացած վնաս կամ կորուստ հատուցել ապահովագրական գումարի և ապահովագրված գույքի ամբողջ արժեքի հարաբերությանը համամասնորեն:
- Ապահովագրության տարածքում էլեկտրասնուցման լարերի և սարքավորումների, դրանց մոնտաժման և գործարկման՝ հակահրդեհային և շինարարական պայմաններին համապատասխանելիության պայման։
- Ապահովագրության տարածքի վերանորոգման հետևանքով առաջացած ցանկացած վնասի հատուցման բացառման պայման։
Ապահովագրական պատահարի մասին տեղեկացման կարգ
Պայմանագրի գործողության ընթացքում տեղի ունեցած պատահարի մասին անհրաժեշտ է անհապաղ (ոչ ուշ քան 48 (քառասունութ) ժամվա ընթացքում) հայտնել Ապահովագրողին՝ զանգահարելով +(37412) 88-88-88 շուրջօրյա հեռախոսահամարով:
Պայմանագրի անբաժանելի մաս կազմող փաստաթղթեր
